១-ស្ត្រូកៈ ទោះបីអ្នកពុំមានកត្តាគ្រោះថ្នាក់បង្កស្ត្រូកដូចជាធាត់ ឬ ប្រវត្តិគ្រួសារមានស្ត្រូក តែតាមការស្រាវជ្រាវមួយ នៅឆ្នាំ២០១២ នោះគេងមិនគ្រប់គ្រាន់អាចបណ្តាលឲ្យអ្នកកើនគ្រោះថ្នាក់ត្រូវស្ត្រូ ក។ មនុស្សធំដែលគេងមិនគ្រប់ ៦ ម៉ោង ក្នុង១ថ្ងៃ កើន ៤ ដង នៃគ្រោះថ្នាក់ស្ត្រូក។
២-ធាត់ការស្រាវជ្រាវបាន បញ្ជាក់ថា
គេងមិនគ្រប់ ឥទ្ធិពលទៅដល់អារម្មណ៍ឃ្លាន និងរបបទទួលទានតាមរយៈឥទ្ធិពលអំពីអ័រម៉ូន ប្រសិនសរីរាង្គមិនបានសម្រាកគ្រប់គ្រាន់, អ័រម៉ូនពាក់ព័ន្ធដល់អារម្មណ៍ឃ្លាន នឹងកើនឡើង ហើយរបបទទួលទានមួយមិនត្រូវបានគ្រប់គ្រង នឹងងាយបណ្តាលឲ្យធាត់។
៣-ទឹកនោមផ្អែមការស្រាវជ្រាវ មួយនៅឆ្នាំ២០១២ បានរកឃើញទំនាក់ទំនងរវាងការគេងខ្វះ និងប្រឆាំងអាំងស៊ុយលីន-កត្តាគ្រោះថ្នាក់មួយបង្កជំងឺទឹកនោមផ្អែម ។ ការស្រាវជ្រាវបង្ហាញថា អ្នកគេងតិច មានការប្រឈមប្រឆាំងអាំងស៊ុយលីនខ្ពស់ជាង និងនាំដល់ការកើនលទ្ធភាពកើតជំងឺទឹកនោមផ្អែម។
៤-បន្ថយសមត្ថភាពចងចាំ ពេលសរីរាង្គអស់កម្លាំង មនុស្សច្រើនតែខ្សោយការប្រមូលផ្តុំអារម្មណ៍ និងងាយភ្លេច។ មិនតែប៉ុណ្ណោះ គេងមិនគ្រប់គ្រាន់អាចបណ្តាលឲ្យបាត់ការចងចាំបណ្តោះអាសន្ន។
៥-ពុកឆ្អឹង ការគេងមិនគ្រប់យូរៗទៅ អាចធ្វើឲ្យកើតគ្រោះថ្នាក់ពុកឆ្អឹង។ តាមការស្រាវជ្រាវមួយនៅឆ្នាំ២០១២ ដង់ស៊ីតេរ៉េក្នុងឆ្អឹង នឹងថយចុះច្រើននៅមនុស្សមានដំណេកមិនគ្រប់គ្រាន់។
៦-មហារីក ការស្រាវជ្រាវមួយនៅឆ្នាំ២០១០ បានបញ្ជាក់ថា ខ្វះគេង បង្កើនគ្រោះថ្នាក់មហារីក។ មហារីកពោះវៀនធំ, មហារីកដោះ អាចវាយប្រហារអ្នក ប្រសិនអ្នកគេងមិនគ្រប់ ៦ ម៉ោង ក្នុង១ថ្ងៃ។
៧-ជំងឺបេះដូង ពុំត្រឹមតែស្ត្រូកប៉ុណ្ណោះទេ ការខ្វះគេង ក៏អាចបង្កគ្រោះថ្នាក់ដល់បេះដូង។ ការស្រាវជ្រាវមួយនៅឆ្នាំ២០១១ បង្ហាញថា គេងមិនគ្រប់បណ្តាលឲ្យសរីរាង្គបង្កើតពពួកអ័រម៉ូន និងសារជាតិគីមី នាំដល់ជំងឺបេះដូង។ ដូច្នេះ មនុស្សម្នាក់ៗ គប្បីត្រូវធានាគេងឲ្យគ្រប់ ៦ ម៉ោង ទៅ ៨ ម៉ោង ក្នុង ១ ថ្ងៃ។
៨-បង្កើនគ្រោះថ្នាក់ឆាប់ស្លាប់ តាមការស្រាវជ្រាវមួយនៅឆ្នាំ២០១០ អ្នកដែលគេងខ្វះជាប្រចាំ នឹងកើនគ្រោះថ្នាក់ឆាប់បាត់បង់ជីវិត។ ដូច្នេះហើយ កុំមើលស្រាលគុណភាពដំណេក ដើម្បីបញ្ជៀសគ្រោះថ្នាក់ ចំពោះសុខភាព៕ ប្រភព: newlookexpress.com
0 comments:
Post a Comment